ГЕНОЦИД - Љубиша Георгиевски

Пиесата ``Геноцид`` од режисерот Љубиша Георгиевски, која ја напишал пред петнаесет години, со сета своја актуелност и жестокост на темата, задутре премиерно ќе биде изведена на сцената на Битолскиот народен театар, како трета премеира во годинешната реперторска сезона. Пиесата е посветена на децата бегалци од Егејска Македонија, како и на прославениот грчки трагичар Еврипид, кој исто така, во својата епоха морал да побегне од Елада. Ова на денешниот прес во Битола го рече доајенот на македонскиот театар, чија режисерска палка и по пет и пол децении, со силна енергија ги упатува универзалните сценски пораки.

• Сите генерации сведочиме за различни видови на геноцид. Пиесата е еден вид протест против геноцидот. Вечноста на оваа тема ја гарантира дури и најсувопарното меѓународно право, кое тврди и вели дека злосторот- геноцид никогаш не застарува- рече Љубиша Георгиевски пред битолските новинари.

Играат тројца битолски актери- Габриела Петрушевска, Пепи Мирчевски и Слободан Степановски, кои низ својата актерска игра се соочија со сите креативни предизвици што ги постави нивниот професор.

• Овој концепт, мене лично ми овозможи преку говорот на телото, кој што милувам да го истражувам на сцената, да се изразам себе си- рече актерката габриела петрушевска.- Јас го играм Агамемнон кој е победник во војната, но е поразен во животот- рече актерот Петар Мирчевски.

За тежината на темата во ``Геноцид``, сама по себе говори посветата на македонските мајки, за кои Георгиевски ќе рече дека секогаш раѓале едно чедо повеќе, отколку што крвниците можеле да погубат.

Пиесата ``Геноцид`` од режисерот Љубиша Георгиевски, која ја напишал пред петнаесет години, со сета своја актуелност и жестокост на темата, задутре премиерно ќе биде изведена на сцената на Битолскиот народен театар, како трета премеира во годинешната реперторска сезона. Пиесата е посветена на децата бегалци од Егејска Македонија, како и на прославениот грчки трагичар Еврипид, кој исто така, во својата епоха морал да побегне од Елада. Ова на денешниот прес во Битола го рече доајенот на македонскиот театар, чија режисерска палка и по пет и пол децении, со силна енергија ги упатува универзалните сценски пораки.

• Сите генерации сведочиме за различни видови на геноцид. Пиесата е еден вид протест против геноцидот. Вечноста на оваа тема ја гарантира дури и најсувопарното меѓународно право, кое тврди и вели дека злосторот- геноцид никогаш не застарува- рече Љубиша Георгиевски пред битолските новинари.

Играат тројца битолски актери- Габриела Петрушевска, Пепи Мирчевски и Слободан Степановски, кои низ својата актерска игра се соочија со сите креативни предизвици што ги постави нивниот професор.

• Овој концепт, мене лично ми овозможи преку говорот на телото, кој што милувам да го истражувам на сцената, да се изразам себе си- рече актерката габриела петрушевска.- Јас го играм Агамемнон кој е победник во војната, но е поразен во животот- рече актерот Петар Мирчевски.

За тежината на темата во ``Геноцид``, сама по себе говори посветата на македонските мајки, за кои Георгиевски ќе рече дека секогаш раѓале едно чедо повеќе, отколку што крвниците можеле да погубат.